Yil boshidan buyon 200 mingdan ziyod aholi xonadoniga ilk bor toza ichimlik suvi kirib bordi
Yana 1,6 million kishining suv ta’minoti sifati oshirilib, markazlashgan ichimlik suvi qamrovi 83,3 foizga, oqova suv xizmatlari esa 22,1 foizga yetkazildi.
Hozirda respublikadagi 8 992 ta mahallaning 5 343 tasi ichimlik suvi bilan to‘liq, 3 116 tasi esa qisman ta’minlangan. Qolgan 533 ta mahalla hududida bu boradagi ishlarni bosqichma-bosqich amalga oshirish rejalashtirilmoqda.
Yil boshidan buyon iste’molchilarga yetkazib berilgan ichimlik suvi hajmi 779 million kub metrni, ko‘rsatilgan oqova suv xizmatlari esa 390,1 million kub metrni tashkil etdi.
Shuningdek, sohada suv sarfini aniq hisob-kitob qilish va isrofgarchilikning oldini olish maqsadida aholini suv hisoblagichlari bilan ta’minlash darajasi 90 foizga yetkazildi.
