Vashingtonda ham 1-sentyabr rasman O‘zbekiston mustaqilligi kuni deb e’lon qilindi
Vashington shahri meri Myuriel Bauzer ushbu qarorni tasdiqlovchi tarixiy farmoyishni imzolagan. Mer o‘z qarorida O‘zbekistonning AQShdagi elchisi Furqat Sidiqov boshchiligidagi diplomatik korpus va shahar ma’muriyati o‘rtasidagi izchil hamkorlikni alohida e’tirof etdi.
Imzolangan deklaratsiyada ikki davlat o‘rtasidagi ko‘p yillik do‘stona va strategik sheriklik aloqalari yuqori baholangan. Hujjatda Amerika Qo‘shma Shtatlari O‘zbekistonning suvereniteti va mustaqilligini jahonda birinchilardan bo‘lib tan olgan davlatlardan biri ekani ta’kidlangan.
Avvalroq Sietl shahrida ham 1-sentyabr kuni “O‘zbekiston mustaqilligi kuni” deb e’lon qilingan edi.
