Rossiya Adliya vaziri MDHda mahkumlarni vataniga topshirishni soddalashtirishni taklif qildi
Rossiya Adliya vaziri Konstantin Chuychenko MDH davlatlarida sudlangan shaxslarni jazoni o‘tash uchun o‘z mamlakatiga topshirish tartib-taomillarini optimallashtirishga chaqirdi. U bu haqda MDH davlatlari penitensiar xizmatlari rahbarlari kengashining XI yig‘ilishi ochilishida videokonferensiya orqali gapirdi.
Uning so‘zlariga ko‘ra, Rossiya tegishli jarayonlarni tezlashtirish va davlatlar o‘rtasidagi idoralararo kelishuvlarni yanada aniq va ochiq tashkil etish ustida ishlamoqda.
Chuychenko MDH davlatlari bilan mahkumlarni topshirishga oid xalqaro shartnomalar mavjudligini qayd etdi.
Vazir ta’kidlaydiki, mahkumning jazoni o‘z vatanida o‘tashi uning yaqinlari bilan ijtimoiy aloqalarini tiklash, keyinchalik jamiyatga qayta moslashishi hamda tarbiyaviy ta’sir samaradorligini oshirishga xizmat qiladi.
Yig‘ilishda Armaniston, Belarus, Qozog‘iston, Qirg‘iziston, Rossiya, Tojikiston va O‘zbekiston vakillari ishtirok etgan.
