Qirg‘iziston sobiq Milliy xavfsizlik rahbari Qamchibek Tashiyevga sud hukmi o‘qildi
Qirg‘iziston sobiq Milliy xavfsizlik rahbari Qamchibek Tashiyevga sud 4 yilga ozodlikdan mahrum etildi. Jazo qamoq emas, balki probatsiya sifatida amalga oshiriladi. Ammo u 4 yil davomida probatsiya talablariga rioya qilishi shart. Agar bu talablarni buzsa, ozodlikdan mahrum qilish jazosi ijro etilishi mumkin.
Tashiyev bilan birga sudlangan sobiq bosh prokuror Kurmankul Zulushev, Jogorku Keneshning sobiq spikeri Nurlanbek Turg‘unbek uulu, shuningdek Bekbolot Talgarbekov, Aali Karashev, Emil Uzakbayev, Kursan Asanov va Qurmanbek Diyqanbayev ham xuddi shunday jazoga hukm qilindi.
Qamchibek Tashiyevga hokimiyatni zo‘ravonlik yo‘li bilan egallashga tayyorgarlik ko‘rish hamda mansab vakolatini suiiste’mol qilish ayblovlari qo‘yilgan edi. Avvalroq davlat ayblovchisi barcha ayblanuvchilarni 9 yilga ozodlikdan mahrum etishni so‘ragan.
Mazkur ish Qirg‘izistonda “75 ning maktubi” nomi bilan tanilgan.
Joriy yil fevral oyida 75 nafar siyosatchi va jamoat arbobi prezidentga muddatidan oldin prezidentlik saylovlarini o‘tkazishni taklif etgan maktub yo‘llagan. Oradan ko‘p o‘tmay Tashiyev lavozimidan ozod etilgan edi. Ayblanuvchilarning barchasi o‘zlariga qo‘yilgan ayblovlarni rad etmoqda.
