O‘zbekistonlik sportchidan taqiqlangan anabolik modda aniqlangani rasman tasdiqlandi
Ushbu holat sababli sportchi 2026-yilgi Osiyo o‘yinlari musobaqalaridan hamda har qanday sport faoliyatidan vaqtincha diskvalifikatsiya qilindi.
Rasmiy ma’lumotlarga muvofiq, sportchiga tahlil natijalari yuborilgan bo‘lib, u “B testi” bo‘yicha qo‘shimcha tekshiruv talab qilish hamda Sport arbitraj sudining antidoping bo‘limiga e’tiroz bildirish huquqiga ega. O‘zbekiston Milliy antidoping agentligi holat yuzasidan o‘rganish ishlari davom etayotgani va yakuniy qaror qabul qilingach rasmiy bayonot berilishini bildirdi.
Taqiqlangan modda mashg‘ulotlar davrida aniqlanganiga qaramay, O‘zbekiston regbi-7 terma jamoasi Osiyo o‘yinlarida muvaffaqiyatsiz ishtirok etdi. Guruh bosqichida Gonkong, Xitoy va Malayziyaga imkoniyatni boy bergan jamoa, keyingi bosqichda Qozog‘istonga ham mag‘lub bo‘lib, musobaqani g‘alabasiz yakunladi.
