O‘zbekistonlik hakamlar Jahon chempionatining 1/8 finali o‘yinini olib borishadi
Hozirgi vaqtda FIFA ro‘yxatida bir necha o‘zbekistonlik bosh hakam va yordamchi hakamlar mavjud. 2026 yilgi Jahon chempionatida butun bir brigadaning tanlanishi O‘zbekiston hakamlik maktabining yuqori darajada ekanligini ko‘rsatadi.
Ushbu tayinlov O‘zbekiston hakamligining xalqaro miqyosda tobora ortib borayotgan obro‘sini yana bir bor tasdiqlaydi. Ilgiz Tantashev 2013-yildan buyon FIFA ro‘yxatida turadi, Buxoro shahrida tug‘ilgan mutaxassis Osiyo chempionatlari, Olimpiada o‘yinlari va boshqa nufuzli musobaqalarda o‘z mahoratini namoyish etgan.
Ilgiz Tantashev 2026-yilgi Jahon chempionatida debyut qilmoqda. Hozirgacha 2 ta o‘yinni Shotlandiya – Marokash va Aljir – Avstriya guruh bosqichi o'yinlarini muvaffaqiyatli o‘tkazgan va uchinchi o‘yinga tayyorgarlik ko’rmoqda. Bu uning birinchi va hozircha yagona Jahon chempionati hisoblanadi.
Uning uchinchi o’yini Paragvay – Fransiya 1/8 final uchrashuvi kuchli raqiblar to‘qnashuvi bo‘ladi. Fransiya termasi favorit hisoblansa-da, Paragvay ham qiyin raqib sanaladi. Ilgiz Tantashevning bu o‘yinda adolatli va qat’iy hakamlik qilishi kutilmoqda. Uning o‘rtacha bir o‘yinda 3.5–3.7 ta sariq kartochka ko‘rsatishi statistik ma’lumotlarda qayd etilgan.
Bu birinchi marta emas. O’zbekiston hakamligining eng yorqin vakili Ravshan Ermatov Jahon chempionatlarida haqiqiy rekord o’rnatgan. U uchta mundialda jami 11 ta o’yin boshqargan bo’lib, bu ko’rsatkich hanuzgacha hech kim tomonidan yangilanmagan. Ermatov o’sha paytda eng yosh hakamlardan biri sifatida ham tarixga kirdi.
