O‘zbekistonlik ayol diplomatlar yordami bilan yetti yil o‘tib qizi bilan uchrashdi
Shu yilning 7-iyul kuni Xitoyda ko’krak bezi saratoni tashxisi qo’yilgan O’zbekiston fuqarosiga konsullik va gumanitar yordam ko’rsatildi hamda onasi bilan uzoq yillardan so’ng diydorlashdi.
Muzokaralar davomida muhim tibbiy muolajalar narxini pasaytirishga erishildi. Gumanitar yordam doirasida yana bir muhim ish amalga oshirildi. Vatandoshimiz qariyb yetti yil davomida Andijon shahrida yashovchi onasi bilan ko‘rishmagan edi.
Diplomatik missiya ko‘magida onasi uchun Toshkent–Pekin–Toshkent yo‘nalishi bo‘yicha aviachipta sotib olindi va onasi bilan uzoq kutilgan uchrashuv ta’minlandi.
Shu bilan birga, Xebey provinsiyasida xitoylik fuqarolarga turmushga chiqqan o‘zbekistonlik ayollar bilan ham uchrashuv o‘tkazildi. Tadbirda 20 ga yaqin ayol ishtirok etdi.
Diplomatlar xorijdagi o‘zbekistonlik fuqarolarning huquq va manfaatlarini himoya qilish, xotin-qizlarni manzilli qo‘llab-quvvatlash hamda ularning ijtimoiy moslashuvi va bandligiga ko‘maklashish masalalari doimiy nazoratda ekanligini ta’kidladi.
