O‘zbekiston Milliy media assotsiatsiyasining sobiq rahbari Abror Po‘latov Prezident administratsiyasida yangi lavozimga tayinlandi
Tegishli farmoyish Administratsiya rahbari tomonidan imzolangani haqida Prezident matbuot kotibi ma’lum qildi.
1986-yilda Farg‘ona viloyatida tug‘ilgan Abror Po‘latov Toshkent islom universiteti hamda O‘zbekiston Milliy universitetida tahsil olgan. Siyosiy fanlar bo‘yicha falsafa doktori ilmiy darajasiga ega bo‘lgan mutaxassis turli yillarda IIV tizimida, “Kamolot” YIH, “Avtoradio media” va Din ishlari bo‘yicha qo‘mitada mas’ul lavozimlarda faoliyat ko‘rsatgan.
U 2022-yilning may oyidan buyon O‘zbekiston Milliy media assotsiatsiyasi bosh direktori lavozimida ishlab kelayotgan edi. Amaldagi tartibga ko‘ra, Administratsiya tarkibiy bo‘linmalari rahbarlari o‘rinbosarlarini tayinlash vakolati bevosita Prezident administratsiyasi rahbariga tegishli hisoblanadi.
