O‘zbekiston juda noyob Turkman uzunquloq ko‘rshapalagi aniqlandi
O‘zR Fanlar akademiyasi Zoologiya instituti olimlari hamda xorijlik olimlar tomonidan O‘zbekiston hududida ilgari uchramagan yangi ko‘rshapalak aniqlandi.
Noyob Turkman uzunquloq ko‘rshapalagi respublikadagi “Janubiy Ustyurt” milliy tabiat bog‘i hududida qayd etilgan. Ushbu ko‘rshapalak (Plecotus turkmenicus) – Markaziy Osiyoda tarqalgan o‘ta noyob va kam o‘rganilgan tur hisoblanadi.
Turkman uzunquloq ko‘rshapalagi 1970-yilgacha bo‘lgan ma’lumotlar hamda muzey eksponatlari orqaligina ma’lum bo‘lib, so‘nggi 55 yil davomida tabiatda deyarli uchramagandi.
.jpg&w=3840&q=75)
FA qo‘shimcha qilishicha, ushbu tadqiqot IUCN (Tabiatni muhofaza qilish xalqaro ittifoqi) tomonidan amalga oshirilayotgan, Germaniya Atrof-muhit vazirligining Xalqaro iqlim tashabbusi (IKI) moliyalashtiradigan “One Health in Nature Conservation” (Tabiatni muhofaza qilishda “Yagona salomatlik”) loyihasi doirasida tashkil etilgan ekspeditsiya chog‘ida amalga oshirilgan.
