Oyiga 3 million so‘mgacha topadiganlar daromadi kamayishidan, boyroq qatlam esa yanada boyishidan umidvor
Iyul oyida o‘tkazilib, 4,1 mingga yaqin respondentni qamrab olgan ushbu tadqiqotda ishtirokchilarning 25 foizi daromadi o‘zgarishsiz qolishini, 9 foizi esa kamayishini taxmin qilgan.
Tadqiqot natijalariga ko‘ra, eng yuqori optimistik kayfiyat yuqori daromadli guruhlar orasida qayd etildi. Oyiga 20 million so‘mdan ortiq maosh oluvchilarning 81 foizi kelgusida topishi yanada ko‘payishiga ishonadi. Aksincha, oyiga 3 million so‘mgacha daromadga ega bo‘lganlar orasida kelajakda tushumlari kamayishidan xavotirda bo‘lganlar ulushi boshqa toifalarga nisbatan yuqoriroq ekani ko‘ringan.
Umumiy hisobda daromad kutilmalari subindeksi ikkinchi chorakda 71,3 bandni tashkil etib, dastlabki chorakka nisbatan biroz pasaygan bo‘lsa-da, o‘tgan yilning mos davridagi ko‘rsatkichlardan yuqoriligini saqlab qolmoqda. Markaziy bank aholining iste’mol kayfiyati va moliyaviy kutilmalarini muntazam ravishda tahlil qilib boradi.
