“Son ortidan quvish kerak emas”. Prezident “Yashil makon”da bahorda ekilgan ko‘chatlarning uchdan biri nobud bo‘lganini tanqid qildi

Prezident Shavkat Mirziyoyev “Yashil makon” umummilliy loyihasi ijrosini tanqidiy ko‘rib chiqib, bahorda ekilgan ko‘chatlarning uchdan bir qismi nobud bo‘lgani va ayrim hududlarda amalda ekilmagan ko‘chatlar hisobotlarga kiritilganini qayd etdi.
“Daraxt ekishda son ortidan quvish emas, ko‘chatlarning tutib ketishi va uzoq yillar davomida o‘sishini ta’minlash asosiy mezon bo‘lishi lozim”, — dedi davlat rahbari. U ko‘chatlarni hududlarning iqlim va tuproq sharoitiga mos tanlash, sug‘orish tizimlarini yaratish va ularni muntazam parvarishlash zarurligini ta’kidladi.
Kuzgi ko‘chat ekish mavsumi 8-noyabrda boshlangan. Biroq ayrim hududlarda ishlar sust tashkil etilayotgani, xususan, Toshkent, Samarqand va Jizzax viloyatlarida rejalar ijrosi qoniqarsiz ekani bildirildi. Mutasaddilarga bu yil ekiladigan ko‘chatlarning kamida 90–95 foizi tutib ketishini ta’minlash vazifasi qo‘yildi.
Yig‘ilishda suvni ko‘p talab qiladigan chim o‘rniga mahalliy iqlimga mos tojixo‘roz, rayhon, jambul kabi o‘simliklar va mahalliy butalarni ekishga e’tibor qaratish, ko‘chatxonalar tashkil etish hamda har bir mahallada aholi jon boshiga kamida uch tupdan daraxt ekish zarurligi ham ta’kidlandi.
Yig‘ilishda suvni ko‘p talab qiladigan chim o‘rniga mahalliy iqlimga mos tojixo‘roz, rayhon, jambul kabi o‘simliklar va mahalliy butalarni ekishga e’tibor qaratish, ko‘chatxonalar tashkil etish hamda har bir mahallada aholi jon boshiga kamida uch tupdan daraxt ekish zarurligi ham ta’kidlandi.
- #Yashil makon
- #Prezident
- #Shavkat Mirziyoyev








