Ҳокимлар январь ойида 400 га яқин қарорни асоссиз яширган
Маълумотларга кўра, жами 1907 та ҳужжат “яширин” ёки “хизмат доирасида фойдаланиш учун” грифи билан қабул қилинган бўлиб, шундан 386 таси очиқланиши шарт бўлган.
Асоссиз яширилган қарорлар асосан лавозимга тайинлаш, маблағ ажратиш, рағбатлантириш ва ташкилий масалаларга тааллуқли.
Энг кўп қонунбузилишлар Фарғона, Бухоро, Хоразм, Қашқадарё ва Самарқанд вилоятларида қайд этилган.
Агентлик ҳокимликларга тақдимнома киритиб, яширилган қарорларни очиқлаш ва айбдорларга нисбатан чора кўришни талаб қилди.
