Lionel Messi Argentina terma jamoasidagi 20 yillik afsonaviy faoliyatiga yakun yasadi
3:0 hisobidagi g‘alaba bilan yakunlangan bahsda u bitta gol urib, ikkita golli uzatmaga mualliflik qildi.
85 mingdan ortiq ishqiboz qarshisida o‘tgan uchrashuv nafaqat rasmiy o‘yin, balki butun boshli davrning tugashiga aylandi. Faoliyati davomida milliy terma jamoada 208 ta o‘yin o‘tkazib, 126 bor raqiblar darvozasini ishg‘ol qilgan hujumchi har ikkala ko‘rsatkich bo‘yicha mamlakat rekordini o‘rnatgan holda safdan chiqmoqda. Uning hisobida Jahon chempionligi hamda ikki bor Kopa Amerika zafari bor.
Uzoq yillar davomida turli bosimlar, mag‘lubiyatlar va hatto vaqtincha ketish qarorini boshidan kechirgan Messi yakunda Argentina futbol tarixining eng buyuk ramzlaridan biriga aylana oldi. U milliy jamoadagi faoliyatini yakunlagan bo‘lsada, klublar miqyosidagi professional faoliyatini davom ettiradi.
