Italiyaning nufuzli mintaqalarida O‘zbekistondan keladigan tibbiyot xodimlariga talab keskin ortmoqda
Muloqot doirasida yil yakuniga qadar 20 nafarga yaqin oliy ma’lumotli hamshirani Milan shahriga ishga yuborish rejalashtirilgani ma’lum qilindi.
Hozirgi kunda 30 nafar mahalliy shifokor italyan tili kurslarida tahsil olmoqda. Italiyaning Lombardiya, Piemont va Sardiniya kabi hududlarida o‘zbekistonlik mutaxassislarga nisbatan yuqori qiziqish mavjudligi bildirilgan.
Ikki tomonlama amaliy hamkorlik ilgari ham ijobiy natijalar bergan. O‘tgan yili 10 nafar tibbiyot xodimi Italiyada malaka oshirgan bo‘lsa, yaqinda Namangan viloyatidan 38 nafar fuqaro Ferrara provinsiyasiga mavsumiy qishloq xo‘jaligi ishlariga yuborildi.
Shu tariqa Italiya bilan mehnat migratsiyasi qishloq xo‘jaligidan tashqari yuqori malakali sohalarni ham qamrab olmoqda. Italiyada ishlash istagida bo‘lgan oliy ma’lumotli hamshiralar uchun maxsus tayyorlov dasturlariga ro‘yxatdan o‘tish imkoniyati yaratilgan.
