Италиялик адашиб чиқинди қутисига 20 та олтин қуймани ташлаб юборди
"Ҳодиса Лечче провинциясида жойлашган Торре-Лапилло аҳоли пунктида қайд этилди. 57 ёшли маҳаллий фуқаро 20 дона олтин солинган идишни беихтиёр чиқинди бакига ташлаб юборган," - дейилади хабарда.
Маълумотларга кўра, эркак узоқ йиллар давомида қимматбаҳо металлга сармоя киритиб, 120 минг евро жамғарган. Италиялик жамғармаси йўқолганини бир кундан кейингина аниқлаган, шундан сўнг у дарҳол ҳуқуқ-тартибот идоралари билан боғланган.
Полициячилар контейнерлар ичидаги нарсалар аллақачон Ужентодаги полигонга олиб кетилганини аниқлади. У ерда қидирув операцияси ташкил этилди ва муваффақиятли якунланди — қуймалар солинган идиш топилди.
