Эрон мамлакат ҳаво ҳудудини ёпди
Шунингдек, Эрон Ислом инқилоби қўриқчилари корпусининг (ИИҚК) ҳаво-космик кучлари ва мамлакат ҳаво ҳужумидан мудофаа тизими юқори жанговар шайлик ҳолатига келтирилгани хабар қилинмоқда.
Бу орада АҚШ Қатардаги Ал-Удейд авиабазасидаги ходимлар сонини қисқартирмоқда. Бу Қўшма Штатларнинг Яқин Шарқдаги энг муҳим ҳарбий базаларидан бири бўлиб, у ерда доимий равишда қарийб 10 минг нафар ҳарбий ва фуқаролик ходимлар жойлашган.
Эрон расмийлари аввалроқ АҚШ ҳужуми содир бўлган тақдирда, минтақадаги Америка ҳарбий базаларига зарбалар бериш билан таҳдид қилган эди.
