Buxoroda tibbiy ma’lumotnoma tayyorlab berish uchun 500 dollar olgan shifokor ushlandi
Buxoro viloyati G‘ijduvon tumanida tibbiy ma’lumotnoma tayyorlab berish uchun 500 dollar olgan shifokor ushlandi. Bu haqda Bosh prokuraturaning Iqtisodiy jinoyatlarga qarshi kurashish departamenti xabar berdi.
Ma’lumotlarga ko‘ra, tezkor tadbirda tuman oilaviy poliklinikasi shifokori U.S. fuqaro Sh.R.ga akademik ta’til olishi uchun tibbiy ma’lumotnoma tayyorlab berishni va’da qilgan. U poliklinikadagi yuqori lavozimli tanishlari orqali hujjatni rasmiylashtirish evaziga 500 dollarni olayotganida ashyoviy dalillar bilan ushlangan.
Mazkur holat yuzasidan Jinoyat kodeksining tegishli moddalari bilan jinoyat ishi qo‘zg‘atilib, tergov harakatlari o‘tkazilmoqda.
