Bogdan Guskov Magomed Ankalaevga qarshi jang qiladi
UFC yarim og‘ir vazn toifasida chempionlikka da’vogar hamda reytingning 1-raqamli jangchisi Magomed Ankalayev 10-o‘rindagi o‘zbekistonlik Bogdan Guskov bilan oktagonga ko‘tariladi.
Guskov faoliyatida 18 ta g‘alaba qayd etgan bo‘lib, ularning barchasini muddatidan oldin qo‘lga kiritgan, shuningdek, 13 ta jangni ilk raundning o‘zidayoq yakunlagan. Bu uning UFC’dagi ilk asosiy jangi bo‘ladi. Jang 25-iyul kuni Abu-Dabidagi “Etihad Arena”da bo‘lib o‘tadi.
Guskov avvalroq 1-avgust kuni Yan Blaxovich bilan revansh jangiga tayyorgarlik ko‘rayotgan edi, ammo taklifni qabul qilib, ikki haftadan kam vaqt ichida asosiy jangga chiqadigan bo‘ldi. 33 yoshli o‘zbekistonlik jangchi “Hitman” laqabi bilan mashhur bo‘lib, UFC’da ham o‘zining kuchli zarbalari va jangni tezda yakunlash uslubi bilan e’tiborni tortgan.
Ankalaev esa bu o‘zgarishni qabul qilib, Rountriga tezroq sog‘ayib ketishni tilagan va yangi raqib bilan jangga tayyor ekanligini bildirgan. Rossiyalik jangchi o‘zining greppling va kurash ustunligini, Guskov esa og‘ir zarbalari hamda nokaut qilish qobiliyatini namoyish etishga harakat qiladi.
