Belarus Prezidenti o'zbekistonliklarni taklif qilmoqda
Belarus Prezidenti Aleksandr Lukashenko O‘zbekistondan ishchi kuchini jalb qilishga hamda O'zbekistondan keladigan fuqarolarga yer maydoni ajratishga tayyor ekanini ma'lum qildi.
Uning so'zlariga ko'ra, Belarus o‘zbekistonlik oilalarning mamlakatga kelib, yashashi va ishlashidan manfaatdor. Qishloq xo‘jaligida ishlaydiganlarga uy-joy ajratish, ta’lim va tibbiy xizmatlardan foydalanish imkoniyatlarini yaratish taklif qilinmoqda. Shuningdek, Belarus o‘zbekistonlik talabalar uchun grantlar va yoshlar dasturlarini kengaytirishni rejalashtirmoqda.
Bundan tashqari, Belarus o‘zbekistonlik yoshlarni ta’til va madaniy dasturlar doirasida mamlakatga taklif qilish niyatida ekanini ham ma’lum qildi.
Lukashenko ikki mamlakat hukumatlarini mazkur tashabbusni amalga oshirish bo‘yicha ishlarni tezlashtirishga chaqirdi.
«Bizda o‘zbeklarni yaxshi ko‘rishadi. Shuning uchun pokistonliklardan avval aynan sizlarning odamlaringiz oilalari bilan bizga kelsin. Qishloq xo‘jaligida ishlaydiganlarga uy-joy beramiz. Bepul ta’lim va sog‘liqni saqlash tizimi ular uchun ham belaruslarniki kabi teng shartlarda bo‘ladi. Shaharda uy-joy uchun biroz kutishga to‘g‘ri keladi. Bizga odamlar kerak va imkoni bo‘lsa, ularning O‘zbekistondan kelgani ma’qul», — deydi Lukashenko.
