96 yoshli milliarder Uorren Baffet nafaqaga chiqqach, kechalarini O‘zbekiston shoularini tomosha qilish bilan o‘tkazmoqda
Dunyoning eng boy insonlaridan biri kechalarini xalqaro sayohatlar yoki plyajda emas, balki oddiy kompyuter va televizor qarshisida o‘tkazishni afzal ko‘rmoqda.
Milliarderning yaqin do‘stlari bergan ma’lumotga ko‘ra, Baffetning qiziqishlari doirasi juda keng va g‘ayritabiiy. U YouTubeda 1950-yillardagi reklama roliklari, taniqli aktrisalarning ijrolari bilan bir qatorda O‘zbekistondagi “Talantlar shousi” loyihalarini ham uzluksiz tomosha qiladi. Uzoq yillar texnologiyalardan qochib yurgan va oddiy tugmali telefondan foydalangan tadbirkor uchun bu kutilmagan mashg‘ulotga aylandi.
Aslida Baffet nafaqat nafaqaga chiqqach, balki ko‘p milliardlik kompaniyani boshqargan davrida ham ish va shaxsiy hayot o‘rtasidagi muvozanatni saqlashga harakat qilgan. U kunining katta qismini kitob hamda gazeta o‘qishga ajratgan, shuningdek, haftasiga kamida 8 soat vaqtini Bill Gets bilan birgalikda bridj kartalar o‘yiniga sarflagan.
Mutassislar va tahlilchilarning ta’kidlashicha, Baffetning bu kabi turmush tarzi hozirgi yosh avlod – Gen Z vakillarining mehnatga bo‘lgan qarashlariga mos keladi. Bugungi kunda yosh mutaxassislar ham yuqori maoshdan ko‘ra shaxsiy halovat va ish-hayot muvozanatini ustun qo‘yishga intilmoqda.
