Chorvoqda cho‘kib ketgan ota-o‘g‘illardan yana birining jasadi topildi
Toshkent viloyatining Bo‘stonliq tumanidagi Chorvoq suv omborida cho‘kib ketgan uch kishidan yana birining jasadi topildi. Bu haqda Favqulodda vaziyatlar vazirligi xabar berdi.
Hodisa 2-sentyabr kuni sodir bo‘lgan. Katerda sayr qilayotgan oila a’zolaridan biri cho‘milish uchun suvga tushgan. Qutqaruv nimchasi bo‘lmagani sababli u cho‘ka boshlagan. Uni qutqarish uchun avval akasi, so‘ng otasi suvga tushgan. Oqibatda uchalasi ham cho‘kib ketgan.
9-sentyabr kuni soat 13:02 da kichik o‘g‘ilning jasadi FVV g‘avvoslari tomonidan topilgan edi. Bugun, 10-sentyabr kuni soat 12:07 da qutqaruvchilar ikkinchi o‘g‘ilning jasadini ham topdi.
Hozirda otaning jasadini qidirish ishlari davom etmoqda.
Favqulodda vaziyatlar vazirligi hodisa qanday yuzaga kelgani haqida izoh bergan edi. Unga ko‘ra, suvga avval o‘g‘illardan biri, keyin qutqaraman deb ota tushgan, ortidan yana bitta oʻgʻli tushgan. Va oʻsha ketma-ketlikda shu ayanchli vaziyat yuzaga kelgan.
Ona va qiz atrofdan yordam soʻrashgan. Katerni boshqarayotgan haydovchisi ham suvga tushib, ularni qutqarishga harakat qilgan, lekin imkoni boʻlmagan. Bu juda tez sodir boʻlgan.
Choʻmilish jarayonida qutqaruv jiletlaridan foydalanishmagan. Oqibatda oilaning dadasi hamda ikkita oʻgʻlining choʻmilayotganda tomiri tortishib qolgan. Shuningdek, o‘sha mahal shamol ham boʻlib turgan, suvda ozgina toʻlqin hosil boʻlgan — oʻsha jarayonda choʻkish holati yuz bergan”, deydi Boʻriyev.
