Toshkentda yangi qurilayotgan masjid gumbazida yong‘in sodir bo‘ldi
Toshkent shahri Yangihayot tumani Sergeli-4 dahasida 3-oktyabr kuni soat 11:36 da yangi qurilayotgan masjid binosining gumbaz qismida yong‘in sodir bo‘ldi. Bu haqda Toshkent shahar FVB xabar berdi.
Ma’lumotlarga ko‘ra, holat haqida xabar kelib tushgach qutqaruv ekipajlari voqea joyiga zudlik bilan yetib borgan. Vaziyat Toshkent shahar Favqulodda vaziyatlar boshqarmasi tomonidan nazoratga olingan. Aytilgan manzilda masjid binosining gumbaz qismida penopoliuritan yonib zararlangan, yong‘in soat 12:04 da o‘chirilgan.
Hodisa oqibatida tan jarohati olganlar yo‘q.
