TikTok юлдузи ўз қиёфасини қарийб 1 млрд долларга сотди
Ушбу келишувга кўра, АҚШнинг Rich Sparkle Holdings компанияси уч йил муддатга блогернинг интеллектуал мулкидан эксклюзив фойдаланиш ҳуқуқини қўлга киритди. Бу ҳуқуқлар қаторига унинг сунъий интеллект асосидаги рақамли нусхасини яратиш имконияти ҳам киради.
Шунингдек, Ҳаби Лейм компаниянинг назорат пакетига эга акциядорига айланди.
Мутахассислар фикрича, Леймнинг ижтимоий тармоқлардаги аудиторияси ижтимоий савдони ривожлантириш, лицензиялаш ҳамда сунъий интеллектдан фойдаланган ҳолда контент яратиш орқали йилига 4 миллиард доллардан ортиқ айланма келтириши мумкин.
