Tbilisidagi bog‘lardan biriga Alisher Navoiy nomi beriladi hamda Gruziyada O‘zbekistonning elchixonasi ochiladi
Shavkat Mirziyoyev Gruziyaga rasmiy tashrifi doirasida mamlakat bosh vaziri Irakliy Kobaxidze bilan tor doirada va ikki mamlakat rasmiy delegatsiyalari ishtirokida muzokara o‘tkazdi.
Uchrashuvda Gruziyada O‘zbekiston elchixonasini ta’sis etish qarori qabul qilindi. Shuningdek, Tbilisidagi bog‘ga Alisher Navoiy nomi berilishi belgilandi.
Qolaversa, muzokara davomida ikki mamlakat o‘rtasida yaqin yillarda tovar ayirboshlash koʻrsatkichni 1 milliard dollarga yetkazish kelishib olindi.
Shuningdek, savdodagi nomutanosiblikni bartaraf etish, sanoat koʻrgazmalarini oʻzaro oʻtkazish orqali ikki mamlakat oʻrtasida talab yuqori boʻlgan mahsulotlarni yetkazib berish hajmini oshirish boʻyicha “yoʻl xaritasi”ni qabul qilishga qaror qilindi. Bu ko'rsatkich o‘tgan yillarda bu raqamlar 270 million dollarni tashkil etgandi.
Suhbat davomida sanoat kooperatsiyasi hamkorlikning alohida ustuvor yoʻnalishi sifatida belgilandi. O‘zbeksitonda oʻtkazilgan qoʻshma biznes forumi yakunlari boʻyicha 2027-yilgacha moʻljallangan Kooperatsiya dasturi imzolandi.
