Tadbirkor Zafar Hoshimov uzluksiz ta’lim va inson kapitalini rivojlantirish bo‘yicha ishchi guruhga rahbarlik qiladi

Ishchi guruh tarkibiga ta’lim sohasida amaliy tajribaga ega tadbirkorlar, xususiy ta’lim muassasalari asoschilari, soha mutaxassislari, olimlar hamda xalqaro darajadagi ekspertlar jalb etilishi belgilangan.

Yangi tuzilmaning asosiy vazifasi ta’lim sifatini oshirish va uni mehnat bozori ehtiyojlariga moslashtirishdan iborat. Shuningdek, guruh sohada sog‘lom raqobatni kuchaytirish, xususiy sektor ishtirokini kengaytirish hamda zamonaviy ta’lim yondashuvlarini joriy etish bo‘yicha takliflar ishlab chiqadi.