Sud Tramp ma’muriyati qarorini “noqonuniy” deb topdi va o‘zbekistonliklarga AQSh immigratsion vizasi berish qayta tiklanadi
Manxettendagi federal sudya Jannet Vargas AQSh Davlat departamenti tomonidan joriy etilgan viza cheklovlarini “ochiqdan-ochiq noqonuniy” deb baholadi. Sudyaning 61 sahifalik qarorida davlat kotibi Marko Rubio ushbu taqiqni amaliyotga joriy etishda o‘z vakolati doirasidan chiqib ketgani alohida ta’kidlangan. Yanvar oyida kuchga kirgan ushbu cheklov O‘zbekiston, Qozog‘iston, Qirg‘iziston va Rossiya kabi o‘nlab davlatlar fuqarolariga qarshi qaratilgan edi.
Oq uy ma’muriyati mazkur davlatlardan kelayotgan migrantlar kelajakda ijtimoiy yordamlarga bo‘kib, mamlakatga moliyaviy yuk bo‘lishi mumkinligini vaj qilib ko‘rsatgan. Biroq sud konsullik ko‘rsatmasidagi topshiriq xatosini ko‘rsatib o‘tdi: unga ko‘ra, hatto o‘zining moliyaviy barqarorligini isbotlovchi to‘liq hujjatlar taqdim etgan arizachilarga ham avtomatik ravishda rad javobi berilgan. Sud har bir arizachi bo‘yicha individual yondashuv bo‘lishi shartligini bildirgan.
Sudning ushbu hukmi ortidan noqonuniy cheklov sabab rad etilgan minglab viza arizalari qayta ko‘rib chiqilishi kutilmoqda. Ta’kidlash joizki, bu sudning Tramp ma’muriyati immigratsiya siyosatiga qarshi birinchi bekor qilish qarori emas – iyun oyida ham federal sud prezidentning H-1B ishchi vizalari uchun bir tomonlama 100 ming dollarlik yig‘im joriy etish qarorini vakolatdan tashqari deb topgan edi.
