Shveysariyaning yangi elchisi Simon Giger Toshkentdagi faoliyatini boshladi
Toshkentda bo‘lib o‘tgan uchrashuvda O‘zbekiston va Shveysariya o‘rtasidagi siyosiy muloqotni faollashtirish hamda yangi qo‘shma loyihalarni amalga oshirishga kelishib olingan. Baxtiyor Saidov yangi elchining ikki tomonlama munosabatlarni rivojlantirishga qaratilgan harakatlarini to‘liq qo‘llab-quvvatlashini bildirgan.
Simon Giger diplomatik va xalqaro taraqqiyot sohasida 15 yildan ortiq tajribaga ega bo‘lib, ushbu tayinlovdan oldin Shveysariyaning Gana, Togo va Benindagi elchisi lavozimida ishlagan. U O‘zbekistondagi missiyasini yakunlagan Konstantin Obolenskiyning (2021-2026 yillar) o‘rnini egalladi.
