Shavkat Mirziyoyev: “Ta’limga bekorga eng ishongan kadrimni olib kelmadim”
Prezident Yangi Toshkentda o‘tkazilgan uchrashuv davomida yangi Ta’lim va ilm-fan vazirligi va unga rahbar etib tayinlangan Erkinjon Turdimov haqida fikr bildirdi.
“Son ko‘paydi, sifat esa kam. Bundan keyin har bir universitet kim uchun qanday kadr tayyorlashini o‘zi uchun aniq belgilab olishi kerak. To‘rtta viloyatga hokim bo‘lgan odamni Ta’lim vazirligiga bekorga olib kelmadim”, — dedi prezident.
Erkinjon Turdimov haqida
Erkinjon Turdimov 1969-yil 10-iyulda Samarqand viloyatida tug‘ilgan. Mehnat faoliyatini 1991-yildan 1995-yilgacha «O‘zsanoatqurilishbank»ning hududiy bo‘limlarida xizmat qilish bilan boshlagan. 1996-yilgacha Zarafshon hokimi o‘rinbosari bo‘lgan.
Shuningdek, 1996-yildan 2000-yilgacha Tashqi iqtisodiy faoliyat milliy bankining Navoiy bo‘limida ishlaganva Navoiy viloyati Xatirchi tuman hokimiyatiga boshchilik qilgan.
Erkinjon Turdimov 2008–2016-yillar davomida Navoiy viloyat hokimi lavozimida mehnat qilgan. 2018 yilhga qadar Surxondaryo viloyati hokimi lavozimida faoliyat yuritgan.
2018-yildan 2024-yilgacha Samarqand viloyati hokimi, 2025-yil yanvarida esa Sirdaryo viloyati hokimi vazifasini bajaruvchi etib tayinlangandi. O‘sha yilning dekabrida hokim etib tasdiqlangan.
