Shavkat Mirziyoyev I darajali “Manas” ordeni bilan taqdirlandi
Bugun, 30-iyul kuni prezident Sadir Japarov Shavkat Mirziyoyevga Qirgʻizistonning yuksak mukofoti I darajali “Manas” ordeni bilan taqdirladi. Bu haqda davlat rahbarining matbuot xizmati xabar berdi.
Shavkat Mirziyoyev qardosh Qirgʻiziston prezidenti va xalqiga chuqur minnatdorlik bildirib, ushbu mukofotni ikki xalq oʻrtasidagi koʻp asrlik doʻstlik va yaxshi qoʻshnichilik rishtalarini mustahkamlash borasidagi birgalikdagi saʼy-harakatlar hamda Oʻzbekiston va Qirgʻiziston munosabatlarini yangi tarixiy bosqich – ittifoqchilik darajasiga olib chiqishga qaratilgan mushtarak intilishlarning yuksak eʼtirofi sifatida qabul qilishini taʼkidladi.
1996-yilda taʼsis etilgan “Manas” ordeni Qirgʻiz Respublikasining oliy davlat mukofotlaridan biri hisoblanadi. Respublika va xorij fuqarolariga davlatchilik va xalqaro hamkorlikni mustahkamlash, xalqlar oʻrtasida tinchlik, doʻstlik va oʻzaro anglashuv rishtalarini rivojlantirishga qoʻshgan ulkan hissasi uchun beriladi.
