Россияда қаровсиз қолган олти нафар бола Ўзбекистонга қайтарилди
Маълум қилинишича, Ўзбекистон Болалар омбудсмани Россия Федерациясидаги ҳамкасбига мурожаат йўллаб, болаларни ватанига қайтариш жараёни тугагунга қадар уларни Россиядаги болалар муассасаларида вақтинча жойлаштиришда амалий ёрдам сўраган.
Россия Болалар омбудсмани томонидан тегишли кўмак кўрсатилиб, болалар жойлашган ҳудудларда улар учун қулай ва муносиб шароитлар яратилган.
2026 йил 1 февраль куни ИИВ вакиллари ҳамроҳлигида 6 нафар бола Ўзбекистонга олиб келинди. Улардан 2 нафари Санкт-Петербургдан, 1 нафари Москвадан, 1 нафари Москва вилоятидан, 1 нафари Қозон (Татаристон)дан ва яна 1 нафари Кабардино-Балқар Республикасидан қайтарилган.
