Rossiya Toshkent va Ashxobod orqali Janubiy Osiyo portlariga olib boruvchi yangi yo‘lak loyihasini ustida ishlamoqda
Rossiya Bosh vaziri o‘rinbosari Marat Xusnullinning ma’lum qilishicha, ushbu loyiha Markaziy Osiyo mamlakatlarini Janubiy Osiyo portlari bilan bog‘laydigan strategik tranzit arteriyasiga aylanishi ko‘zda tutilgan. Transafg‘on yo‘lagining barpo etilishi O‘zbekiston va Turkmaniston uchun dunyo okeaniga hamda Janubiy Osiyoning yirik bozorlariga birikish imkonini beruvchi qulay quruqlik yo‘nalishini ochadi.
Ushbu loyihaning amalga oshirilishi mintaqa davlatlariga eksport-import operatsiyalari uchun muqobil marshrutlarni taqdim etadi. Oqibatda O‘zbekiston va Turkmanistonning xalqaro logistika zanjiridagi o‘rni kuchayib, hududiy tranzit xabi sifatidagi mavqei yanada mustahkamlanadi.
Shu bilan birga, Rossiya va Markaziy Osiyo respublikalari Kaspiy dengizining sharqiy aylanma yo‘lagini ham parallel ravishda rivojlantirmoqda. Transport vazirligi tomonidan nafaqat temir yo‘l, balki O‘zbekiston hamda Afg‘oniston hududlaridan o‘tib, Hind okeaniga chiquvchi yirik avtomobil yo‘nalishini barpo etish Rejalari ham o‘rganilmoqda.
