Rossiya droni Polsha chegarasi yaqinida yo‘lovchi poezdga zarba berdi - poezdlarning birida Buyuk Britaniya sobiq Bosh vaziri bo'lgan
Dron Polsha chegarasidan atigi 2 kilometr uzoqlikda, Volin viloyatidagi Yahodyn stansiyasida yo‘lovchi poezdning lokomotiviga tegdi. Poezdda 206 nafar yo‘lovchi bor edi. Ukraina temir yo‘li monitoring guruhi xavfni 15 daqiqa oldin aniqlab, yo‘lovchilar va ekipajni o‘z vaqtida evakuatsiya qilgan.
Shu vaqtda stansiyada yoki yaqin atrofda sobiq CIA direktori David Petraeus ham boshqa poezdda bo‘lgan. Diplomatik poezd xavf tufayli jadvaldan oldinroq ketgan edi. Bu haqda Ukrzaliznytsia xabar qildi
Ukrzaliznytsia bayonotida “dronning asosiy nishoni diplomatik poezd bo‘lishi ehtimoli yuqori” deb aytilgan. Poezd xavfsizlik tufayli real vaqtda o‘zgartirilgan jadval asosida erta chiqib ketgan.
Sobiq Shvetsiya Bosh vaziri Carl Bildt X ijtimoiy tarmog‘ida video joylab, “Bu bizning poezdimiz emas edi, lekin bizdan bir necha daqiqa keyin o‘tgani. Dron yaqinlashganda evakuatsiya qilingan, hech kim jarohatlanmagan. Xavfsizlik tizimi juda yaxshi ishladi,” deb yozgan.
Boris Johnson esa “Putinning qanday buzuq mantiqi borligini bilmayman. Bu ukrainaliklar har kuni duch keladigan tasodifiy va ma’nosiz hujum,” deb munosabat bildirgan. U Ukrainaga ko‘proq havo hujumidan himoya tizimlarini berish va Rossiyaning muzlatilgan aktivlarini ya’ni Belgiyada 140 milliard yevrodan ortiq, Londonda 10 milliard funt Ukrainaga yo‘naltirishni talab qilgan.
Polsha Tashqi ishlar vaziri Radosław Sikorski voqeani “eskalatsiya” deb baholagan. Ukraina Tashqi ishlar vaziri Andriy Sibiga esa “Putinning terrori Yevropa Ittifoqi va NATO eshigiga taqillayotgani” haqida ogohlantirgan.
Shu kuni Yahodyn o‘tish punkti yaqinida aniqrog’i chegaradan taxminan 800 metr uzoqlikda yana bir dron yoqilg‘i quyish shoxobchasi va yuk mashinalariga urilib, yong‘in chiqargan va chegara vaqtincha yopilgan.
