“Bugun xalqning ovozi eshitildi!” – Serbiyada talabalar partiyasi parlament saylovlarida g‘alaba qozondi
Serbiyada 25-oktabr kuni muddatidan oldin parlament saylovlari bo‘lib o‘tdi. Unda mamlakatdagi muxolifat kuchlarini birlashtirgan “Talabalar ro‘yxati” partiyasi g‘olib bo‘ldi. Sobiq prezident va hukmron partiya yetakchisi Aleksandr Vuchich mag‘lubiyatni tan oldi.
Serbiyada muddatidan oldin parlament saylovi o‘tkazish rejasi mamlakatda anchadan beri davom etayotgan namoyishlar fonida qabul qilindi.
2024-yilning noyabr oyida Serbiyaning shimolidagi Novi-Sad shahrida joylashgan temiryo‘l vokzalida ayvonning qulashi oqibatida 16 kishining halok bo‘ldi. Shundan so‘ng mamlakatda norozilik namoyishlari boshlandi.
Fuqarolar ushbu fojiani Aleksandr Vuchich hukumati yo‘l qo‘ygan korrupsiya va mas’uliyatsizlik bilan bog‘ladi. Ayniqsa, talabalar ushbu mitinglarda faol qatnashdi va o‘z qo‘mitalarini tuzdi.
2017-yildan beri Serbiya Prezidenti lavozimini egallab turgan Aleksandr Vuchich 2026-yil sentabrda parlamentni tarqatib yubordi va sentabr oyi oxirida Prezident lavozimidan ham iste’fo berdi.
Bu orqali u parlament saylovlarida qatnashib, bosh vazirlikka nomzodini ilgari surishni reja qilgandi. Biroq 25-oktabr kuni bo‘lib o‘tgan saylovlarda Vuchichning Serbiya progressiv partiyasi talablarining “Talabalar ro‘yxati” partiyasi imkoniyati boy berdi.
25-oktabr kuni kechqurun Vuchich mag‘lubiyatni tan oldi.
“Yakuniy natijalar hali ma’lum emas, ammo... bu saylovda yutqazganimiz aniq. ’Talabalar ro‘yxati’ g‘alaba qozondi. Ular parlamentda 135 tadan 140 tagacha o‘rinni qo‘lga kiritdi, bizda esa 105 ta o‘rin bo‘ladi”, – degan Vuchich Belgraddagi Serbiya progressiv partiyasi shtab-kvartirasida o‘z tarafdorlariga murojaatida.
Vuchich 2014-2017-yillarda bosh vazir, 2017-2026-yillarda esa Prezident sifatida mamlakatni boshqardi
Serbiya Markaziy saylov komissiyasi parlament saylovlarida ovoz berish jarayoni yakunlanishiga ikki soat qolganida saylovchilar davomati (yavka) 64,9 foizga yetganini ma’lum qildi. Bu 1992-yildan, ya’ni Yugoslaviya parchalanganidan beri qayd etilgan rekord ko‘rsatkich bo‘ldi.
Vuchich mag‘lubiyatini tan olganidan so‘ng, minglab fuqarolar “Talabalar ro‘yxati” g‘alabasini nishonlash uchun Belgrad ko‘chalariga chiqqan.
“Talabalar ro‘yxati” o‘z yetakchiligiga siyosat bilan shug‘ullanmagan shifokor-kardiolog Ilya Srdanovichni tanladi. Vuchichning mag‘lubiyatni tezkorlik bilan tan olishi Srdanovichni hayron qoldirgan va u ko‘ziga yosh olgan.
“Talabalar ro‘yxati” o‘z yetakchiligiga hozirgi hokimiyatga aloqador bo‘lmagan, siyosat bilan shug‘ullanmagan insonni tanlagan
“Qadrli Serbiya, bugun tunda xalqning ovozi eshitildi. Bugun tunda biz g‘alabani nishonlaymiz, ertaga esa kelajakni quramiz” – degan o‘z talabalari nomidan nutq qilgan Belgrad universiteti professori Radomir Sayich.
“Talabalar ro‘yxati”ni birinchi bo‘lib Vengriya bosh vaziri Pater Madyar tabriklagan. U aprel oyida Vengriyada 16 yildan beri rahbarlik qilayotgan Viktor Orbanni saylovlarda mag‘lub etganini nazarda turib, bu g‘alaba serbiyaliklarga ham kuch berganidan xursandligini ma’lum qilgan.
Butun Serbiya bo‘ylab “Talabalar ro‘yxati” partiyasi tarafdorlari g‘alabani nishonlagan.
