Qo‘ng‘irotboy Sharipov va E’zozxon Karimova yangi lavozimlarga tayinlandi

Ma’lumot o‘rnida, Qo‘ng‘irotboy Sharipov 1963-yilda Qoraqalpog‘istonning Qo‘ng‘irot tumanida tug‘ilgan. U 2019–2024-yillarda ham Toshkent davlat iqtisodiyot universitetiga rektorlik qilgan. Bundan tashqari, O‘zbekiston Respublikasi Oliy va o‘rta maxsus ta’lim vaziri o‘rinbosari hamda Toshkent shahridagi Turin politexnika universiteti rektori lavozimlarida ishlagan. Sharipov 2024-yil fevralida Oliy ta’lim, fan va innovatsiyalar vaziri etib tayinlangan edi.

E’zozxon Karimova Respublika Ma’naviyat va ma’rifat markazi rahbarining birinchi o‘rinbosari bo‘ldi. U 2025-yil iyulida maktabgacha va maktab ta’limi vaziri etib tayinlangan edi. Mazkur tayinlovlar haqida hozircha qo‘shimcha ma’lumot berilmagan.

E’zozxon Karimova 1973-yilda Namangan tumanida tug‘ilgan. E’zozxon Karimova 2004-yilda Toshkent axborot texnologiyalari universiteti huzuridagi Ma’naviyat va ma’rifat markaziga rahbarlik qilgan. 2005-yilda Prezident huzuridagi Davlat va jamiyat qurilishi akademiyasida tahsil olgan.

U 2021–2021-yillarda Prezident, ijod va ixtisoslashtirilgan maktablarni rivojlantirish agentligida bo‘lim boshlig‘i, 2021–2023-yillarda esa Prezident ta’lim muassasalari agentligi direktorining maslahatchisi bo‘lib ishlagan. 2023–2024-yillarda Maktabgacha va maktab ta’limi vazirligi tizimidagi “Yangi O‘zbekiston” universitetida yoshlar masalalari va ma’naviy-ma’rifiy ishlar bo‘yicha prorektor vazifasini bajargan.

Keyinchalik Ixtisoslashtirilgan ta’lim muassasalari agentligi direktorining ma’naviy-ma’rifiy ishlar samaradorligini oshirish hamda davlat tili to‘g‘risidagi qonunchilikka rioya etilishini ta’minlash masalalari bo‘yicha maslahatchisi bo‘lgan. 2025-yil mayidan yangi tayinlovga qadar maktabgacha va maktab ta’limi vaziri o‘rinbosari — Nizomiy nomidagi O‘zbekiston milliy pedagogika universiteti rektori lavozimida faoliyat yuritgan.