Pxenyan yadro arsenalining sirli raqamlari ochiqlandi. Tramp Kim Chen In bilan yangi uchrashuvga hozirlanmoqda
Oq uy rahbari Pxenyan rasmiysi bilan shaxsiy munosabatlari a’lo darajada ekanini ta’kidlab, diplomatik muloqotni davom ettirish muhimligini ko‘rsatib o‘tgan.
Tramp o‘zining birinchi prezidentlik davrida Kim Chen In bilan uch bor uchrashgan bo‘lsa-da, 2019-yildagi sammitdan so‘ng KXDRni yadroviy qurolsizlantirish borasidagi kelishmovchilar sabab muzokaralar muzlatib qo‘yilgan edi.
Ushbu bayonot barobarida Tramp Pxenyanda 57 ta yadro kallagi borligini ochiq aytgan – bu Vashington rasmiylari tomonidan Pxenyan arbitrajiga berilgan eng aniq raqamlardan biridir. Mustaqil ekspertlarning baholashlaricha ham Shimoliy Koreya salkam 50-60 ta tayyor yadroviy jangovar kallaklarga ega. Trampning diplomatiyaga qaytish ishorasi AQSh va Janubiy Koreya qo‘shma harbiy mashg‘ulotlarini qisqartirish fonida yangramoqda, biroq KXDR bu qadamlarni yetarli emas deb biladi.
O‘z navbatida, KXDR yetakchisining singlisi Kim Yo Chjon ikki mamlakat rahbarlari o‘rtasida so‘nggi vaqtlarda rasmiy muloqot bo‘layotganidan bexabar ekanini bildirgan. Shunga qaramay, u ham Tramp va Kim Chen In o‘rtasidagi shaxsiy aloqalar hamon yuqori darajada ekanini inkor etmagan. Tramp esa ikkinchi prezidentlik muddatida Shimoliy Koreya bilan uzilib qolgan diplomatik rishtalarni qayta tiklashga qat’iy bel bog‘lagan.
