Prezidentlar Issiqko‘lda golf o‘ynadi
Prezident Shavkat Mirziyoyev Markaziy Osiyo va Ozarbayjon yetakchilari bilan birgalikda Qirg‘izistondagi ilk xalqaro toifadagi “Issyk-Kul Golf Resort” majmuasi hamda Golf klubining tantanali ochilishida qatnashdi.
Tadbirlar doirasida davlat rahbarlariga majmua haqida maxsus video namoyish etildi. Issiqko‘l sohilida joylashgan ushbu ko‘pfunksiyali turizm majmuasining umumiy maydoni 120 gektarni tashkil etib, shundan 103 gektari bevosita Golf klubi xissasiga to‘g‘ri keladi. Loyiha hududda nafaqat yozda, balki yilning 10 oyi davomida turistlar oqimini ta’minlashga mo‘ljallangan.
Majmua hududida 80 o‘rinli mehmanxana, Golf akademiyasi, shuningdek, to‘rt va besh yulduzli mehmonxonalar, restoranlar hamda xususiy çimarlik (plyaj) zonasi o‘rin oladi. Qirg‘iziston Golf federatsiyasi prezidenti Xomeni Ergeshov hamda Prezident Sadir Japarovning nutqlaridan so‘ng, davlat rahbarlari hududni ko‘zdan kechirib, golf o‘yinining ramziy start berish marosimida ishtirok etdilar.
Shavkat Mirziyoyev Qirg‘iziston yetakchisi va qardosh xalqni ushbu yirik obyekt bilan tabriklab, mintaqada turizm va sport infratuzilmasini rivojlantirishga qaratilgan loyihalarga muvaffaqiyat tiladi.
