“Piar uçun qilmadim, özi birinçi bölib erimga yozgan”. Feruza Normatova öziga qöyilayotgan ayblovlarga izoh berdi
Blogerning ta’kidlaşiça, u qizning suratini öz-özidan yoki piar uçun topib sahifasiga joylaştirmagan. Normatovaning sözlariga köra, bundan olti oy muqaddam aynan öşa ayol uning turmuş örtoği “Gelik” rusumli avtomobil yonida tuşgan suratlari ostiga xuşomadli izohlar yozgan, blogerning özini esa “kampir” va “boyligi uçun yuribdi” deya kamsitgan. Şundan söng turmuş örtoği uni bloklagan, bloger esa öz sahifasiga uning suratini joylab javob qaytargan.
“Ertalab közimni oçsam, jinoyatçi bölib uyğonibman. Astağfirulloh, tavba qildim. Tindirmasdan hamma videolar taşlab yozişyapti menga. Çiqib olgan opam: “Men erini tanimayman”, debdi. Agar yozmagan bölsa, men u opani qayerdan, katta xolamnikidan taniymanmi? Uni rasmini qayerdan topaman, agar bizga yozmasa? Erimni Gelikni yonida tuşgan rasmlariga opam tökilib yozmasa, bir biz qayerdan topamiz uni rasmini?”, degan u.
Feruza Normatova jabrlanuvçining “ularni tanimayman” degan iddaolarini rad etib, ayol avval yozgan izohlarini öçirib yuborib, endi vaziyatdan moddiy manfaat undiriş yoki şantaj qiliş maqsadida foydalanayotganini aytgan. Şuningdek, u içki işlar organlarida voqeani piar uçun qilganini tan olmaganini, balki holat qanday bölganini şunçaki oğzaki tuşuntirib berganini bildirdi.
Bloger voqeani “işqiy munosabat” talqinida tarqatayotgan ijtimoiy tarmoq kanallarini prokuraturaga berişini ma’lum qilgan. Uning aytişiça, endi özi ham huquqiy çoralar körişga kirişib, ekspertiza ötkaziş va öşa paytda yozilgan SMS hamda izohlarni tiklaş orqali barça dalillarni jamoatçilikka taqdim etadi.
- #Feruza Normatova
- #piar
- #bloger
