Özbekistonliklar Fransiyadagi issiqxonaga 1620 yevro maoşli mavsumiy işga taklif etilmoqda

Tanlovda 30 yoşdan 45 yoşgaça bölgan, qişloq xöjaligi böyiça ma’lumotga hamda issiqxonada pomidor yetiştiriş borasida kamida ikki yillik iş tajribasiga ega erkaklar qatnaşişi mumkin. Şuningdek, nomzodlar issiq-sovuqqa va namlikka çidamli, allergik kasalliklari hamda balandlikda işlaşga tibbiy moneligi bölmagan şaxslar bölişi talab etiladi. Saralab olinganlarning kamida uç nafari fransuz tilini boşlanğiç darajada tuşunişi, yana kamida uç nafari esa haydovçilik guvohnomasiga ega bölişi zarur.

Viza xarajatlari Migratsiya agentligi tomonidan töliq, aviaçipta xarajatlari esa qisman qoplab beriladi hamda işçilar MSA tibbiy suğurtasi bilan ta’minlanadi. Turar joy ijarasi uçun oyiga 250 yevro xodimning öz hisobidan tölanadi. Işlaş istagidagi fuqarolar 20-noyabrga qadar “Xorijda iş” platformasi orqali CV töldirib, ariza topşirişlari mumkin.