O‘zbekiston sakkiz oyda xorijga 1,2 milliard dollarlik meva-sabzavot eksport qildi
Ushbu davrda amalga oshirilgan eksportning umumiy moliyaviy qiymati 1,2 milliard AQSH dollarini tashkil etdi.
Chet elga sotilgan mahsulotlar tarkibida sabzavotlar eng yuqori ulushni egalladi – hisobot davrida xorijga 551,3 ming tonna sabzavot jo‘natildi. Shuningdek, xalqaro bozorlarga 332,8 ming tonna meva va rezavorlar hamda 198,5 ming tonna poliz mahsulotlari, ya’ni tarvuz va qovun yetkazib berildi.
Tashqi savdo ko‘rsatkichlarida dukkakli va yong‘oq mahsulotlarining ham salmoqli o‘rni bor. Dastlabki sakkiz oy davomida xorijiy xaridorlarga 36,2 ming tonna mosh, 14,7 ming tonna yeryong‘oq va yong‘oqlar sotildi. Boshqa turdagi meva-sabzavot mahsulotlarining eksport hajmi esa 304,2 ming tonnani tashkil qildi.
