Ozarbayjon sadolari Buxoroni zabt etdi
Ikki mamlakat san’atkorlari birgalikda sahnaga chiqqan kechada Ozarbayjon va O‘zbekiston o‘rtasidagi madaniy va ma’naviy rishtalar yana bir bor namoyon bo‘ldi.
.jpg&w=3840&q=75)
Tadbirda so‘zga chiqqan Ozarbayjonning O‘zbekistondagi elchisi Rashad Mammadov Buxoro viloyati hokimi Botir Zaripov va shahar hokimligiga mehmondo‘stlik hamda loyihaga ko‘rsatilgan yuksak e’tibor uchun minnatdorlik bildirgan. Elchi ikki xalqni bog‘lab turuvchi mushtarak qadriyatlar aloqalarni mustahkamlashda muhim o‘rin tutishini hamda bunday ijodiy uchrashuvlar boy musiqiy merosni kengroq tanishtirishga xizmat qilishini ta’kidlagan.
O‘z navbatida, viloyat hokimi Botir Zaripov azaliy do‘stlik va qardoshlik munosabatlari izchil rivojlanib borayotganini qayd etgan. Uning so‘zlariga ko‘ra, umumiy tarixiy ildizlar va ma’naviy yaqinlik o‘zaro hamkorlikning mustahkam poydevori bo‘lib, mazkur madaniy haftalik ikki mamlakat o‘rtasidagi gumanitar aloqalarni yangi bosqichga olib chiqadi.
Ozarbayjon va O‘zbekiston san’at ustalarining birgalikdagi ijrolari va musiqiy chiqishlari kechaga o‘zgacha fayz bag‘ishlab, Buxoro tomoshabinlariga ko‘tarinki kayfiyat hamda unutilmas taassurotlar ulashgan.
