Нотўғри уйқу режими юрак хуружи хавфини икки бараварга оширади
Олимлар 88 минг кишининг маълумотларини ўрганиб чиқишди: турли вақтларда ётиб-турадиган одамлар миядан тортиб юраккача бўлган барча соҳаларда азият чекишади. Тартибсиз уйқу сиркад ритмларни издан чиқаради: тана кортизол ва мелатонинни қачон ажратишни билмай қолади.
Моддалар алмашинуви бузилади, иммунитет пасаяди ва яллиғланиш жараёнлари кучайиб кетади.
Аммо буни қуйидагича тузатиш мумкин:
- Ҳар куни эрталаб бир хил вақтда ташқарига чиқинг: ҳаво булут бўлса ҳам, 20-30 дақиқа кўчада юринг.
- Агар ташқарига чиқолмасангиз, эрталаб ёруғ чироқдан фойдаланинг: у қисман қуёш вазифасини бажаради.
- Уйқудан бир соат олдин «будилник»га қўйинг ва уйқуга тайёрланинг: китоб ўқинг, медитация қилинг, телефонни қўлга олманг.
- Дам олиш кунларида ҳам жадвалга амал қилинг: 30 дақиқадан ортиқ фарқ ҳам зарарли ҳисобланади.
