Neymar rasman Braziliya terma jamoasidan ketishini tasdiqladi
“Milliy terma jamoadagi davrim tugadi. Men tarix yaratdim, juda xursand bo‘ldim, jonimni fido qildim, Selesao uchun doim kurashdim, lekin endi buni xohlamayman”, — dedi 34 yoshli hujumchi.
Neymar Braziliya terma jamoasidagi faoliyatini 130 ta o‘yin, 80 ta gol va 58 ta golli uzatma bilan yakunladi. U Braziliya tarixidagi eng yaxshi to‘purar hisoblanadi. Terma jamoa bilan yagona yirik unvoni 2013-yilgi —Konfederatsiyalar kubogi.
Uning terma jamoadagi so‘nggi o‘yini 2026-yilgi Jahon chempionatining 1/8 finalida Norvegiyaga qarshi o‘yin bo‘ldi. O‘sha uchrashuvda u zaxiradan maydonga tushib, penaltidan gol urgan edi.
Hozirda Neymar Santos FC safida o‘ynamoqda. Uning klub bilan shartnomasi 2026-yil 31-dekabrgacha amal qiladi. U 2025-yil yanvarida Al-Hilaldan qaytib kelgan va o‘sha yil oxirida shartnomasini uzaytirgan edi.
