Moskva sudi O‘zbekistonda g‘oyib bo‘lgan Rossiya fuqarosini 23 yilga qamadi
Moskva shahar sudi Moskva viloyatida yashovchi 37 yoshli Georgiy Pirogovni davlatga xiyonatda aybdor deb topib, 23 yillik qamoq va 800 ming rubl jarimaga tortdi.Bu haqda “Novaya gazeta Yevropa” nashri xabar bermoqda.
Qayt etiladiki, Ukrainada urush boshlangach, Pirogov Rossiyadan Gruziyaga ko‘chib o‘tib, sanoat alpinisti bo‘lib ishlagan. 2024-yil yozida u O‘zbekistonga xizmat safariga yuborilgan va 6-iyul kuni Qo‘ng‘irot shahrida g‘oyib bo‘lgan.
Uning mashinasi Nukusdan topilgan bo‘lib, yaqinlarining aytishicha, u Buxoro orqali Tbilisiga uchib ketishni rejalashtirgan edi. Oradan bir necha kun o‘tib, Pirogov Moskvadagi "Matrosskaya tishina" tergov izolyatorida paydo bo‘lgan. Uning O‘zbekistondan Rossiyaga qanday va kimlar tomonidan olib ketilgani ochiqlanmagan.
Sud yopiq tartibda o‘tgan bo‘lib, 2024-yil avgustida Pirogov o‘z aybiga iqror bo‘lgani ma'lum qilindi.
