Jahongir Ortiqxo‘jayev "Paxtakor"ni kutilmaganda tark etadi
Futbol mutaxassisi Alisher Nikimbayev klub xodimlariga tayanib ma’lum qiladiki, 24-avgust kuni “Paxtakor” jamoasiga homiylik va hamkorlik masalasi yakunlangani rasman yetkazilgan. Ortiqxo‘jayevning klub tizimidan ketish qarori ko‘pchilik uchun kutilgan holat bo‘lsada, ushbu qarorning kutilmaganda va juda qisqa muddat ichida qabul qilingani futbol jamoatchiligini ajablantirdi.
Hozircha poytaxt klubining kelgusi rejalari, moliyaviy manbalari va rahbariyatdagi o‘zgarishlar bo‘yicha aniq ma’lumotlar ochiqlanmagan. Jamoa atrofidagi ushbu noaniqlik va kutilmagan qaror klub uchun eng mas’uliyatli pallaga to‘g‘ri kelmoqda.
Bo‘lajak o‘zgarishlarga qaramay, “Paxtakor” yaqin uch hafta ichida qit’aning eng nufuzli musobaqasi – Elit Chempionlar ligasidagi ishtirokini boshlashi kerak. Toshkentliklar o‘zlarining ilk uchrashuvini 14-sentyabr kuni Saudiya Arabistonida mahalliy “Al-Ahli” jamoasiga qarshi o‘tkazadi.
Avvalroq Jahongir Ortiqxo‘jayev Tataristondagi fojiali voqealardan so‘ng xorijdagi, jumladan Rossiyadagi 10 ming nafar O‘zbekiston fuqarosini AKFA Holding tarkibiga ishga olish taklifi bilan chiqqandi.
