“Инсоний биродарлик учун амалда ишлайдиган қонунлар керак” — Саида Мирзиёева
Саида Мирзиёева аёлларнинг давлат бошқарувидаги роли муҳимлигини таъкидлаб, Ўзбекистон парламентда аёллар улуши қарийб 40 фоиз эканини айтди. У ижро ҳокимиятида ҳам мувозанат зарурлигини қайд этди.
Шунингдек, оилада зўравонлик бўлар экан, биродарлик, қадр-қиммат ва тенглик ҳақида гапириш бефойдалигини таъкидлади. Давлат инсонларни ҳимоя қиладиган қонун ва муассасаларга эга бўлиши керак, деди у.
Аёллар иштирокида қабул қилинган қарорлар инсон қадр-қимматини кўпроқ ҳисобга олиши, узоқ муддатли барқарорликка хизмат қилиши айтилди.
Шунингдек, Шайх Зайд номидаги “Инсоний биродарлик” халқаро мукофоти ҳақида маълумот берилди: у 2019 йилда таъсис этилган ва ҳар йили 4 февралда топширилади, соврин — 1 млн доллар.
