Ilhom Aliyevdan keyin Narendra Modi ham “Oliy Darajali Do‘stlik” ordeni bilan mukofotlandi
Hindiston Bosh vazirining Toshkentga safari haqida xabar bergan edik. Ko‘ksaroy qarorgohida bo‘lib o‘tgan tantanali marosimda davlat mukofotini Prezident Shavkat Mirziyoyev topshirgan. Muloqot davomida Hindistonning so‘nggi yillardagi jadal rivojlanishi va xalqaro maydondagi nufuzi ortishi bevosita Narendra Modining samarali faoliyati hamda ilgari surgan strategik dasturlari bilan bog‘liqligi ta’kidlangan. O‘zbekiston rahbari ushbu orden butun O‘zbekiston xalqining Hindiston Bosh vaziriga bo‘lgan yuksak ehtiromi ifodasi ekanini qayd etgan.
Oliy darajadagi muzokaralar yakunida ikki mamlakat o‘rtasidagi munosabatlarni keng qamrovli strategik sheriklik darajasiga ko‘tarish bo‘yicha muhim kelishuvlarga erishilgan. Siyosiy, diplomatik, savdo-iqtisodiy, investitsiyaviy, transport va madaniy-gumanitar sohalardagi hamkorlik yangi bosqichga olib chiqilishi belgilangan.
Prezident Shavkat Mirziyoyev ikki xalq o‘rtasidagi tarixiy va do‘stona aloqalar kelgusida ham izchil rivojlanib borishiga ishonch bildirdi.
23-avgust kuni Prezident Shavkat Mirziyoyev ozarbayjonlik mavqedoshi Ilhom Aliyevni "Oliy Darajali Do‘stlik" ordeni bilan taqdirlagan edi.
