Futbol afsonasi Zidan Fransiya terma jamoasining bosh murabbiyi etib tayinlandi
Bugun 28-iyul kuni Fransiya Futbol Federatsiyasi prezidenti Filip Diallo Parijdagi FFF shtab-kvartirasida matbuot anjumanida bu haqida e’lon qildi. Zidan Didye Desham o‘rniga keldi. Desham 14 yillik ishidan keyin 2026 Jahon chempionatidan so‘ng terma jamoa murabbiyligidan ketdi. Endi Zidan to’rt yillik faoliyati davomida 2030-yilgi Jahon chempionatiga Fransiya jamaosini o’z boshchiligida olib chiqishi kutilmoqda.
2021-yilda "Real Madrid"ni tark etganidan keyin murabbiylik ishidan ayrilgan Zidan, uzoq kutilgan xalqaro futbolga qaytishi bilan fransuz futbolidagi eng orzu qilingan lavozimni egallaydi. Zidanning "Le Bleus" bosh murabbiyligidagi birinchi o'yini sentyabr oyi oxirida 2026-2027-yilgi Millatlar Ligasida Turkiyaga qarshi safar o'yini bo'ladi.
Zinedin Zidan professional o‘yinchi sifatida 1989-yildan 2006-yilgacha faoliyat yuritdi. U o‘z yo‘lini Fransiya chempionatining AS Cannes jamoasida boshladi va 1989–1992-yillarda shu klubda o‘ynadi. 1992-yilda Girondins de Bordeaux jamoasiga o‘tdi va 1996-yilgacha shu yerda to‘p surdi. 1996-yilda Italiyaning Yuventus klubiga transfer qilindi va 2001-yilgacha Turin jamoasida o‘ynadi. 2001-yilda Ispaniyaning Real Madrid jamoasiga o‘sha paytdagi jahon rekordi summasi evaziga o‘tdi va 2006-yilgacha “oqlar” safida harakat qildi. Professional faoliyatini 2006-yilda Real Madridda yakunlab, o‘yinchi sifatida nafaqaga chiqdi.
Murabbiy sifatida esa avval Real Madridning zaxira jamoasi Castilla ni boshqargan, so‘ngra 2016-yil yanvardan 2018-yil maygacha va 2019-yil martdan 2021-yil maygacha Real Madridning asosiy jamoasiga bosh murabbiy bo‘lgan. Shu ikki davrda u klub bilan uch marta ketma-ket Chempionlar Ligasini, ikki marta La Ligani va bir qancha boshqa yirik kuboklarni qo‘lga kiritgan. 2026-yil 28-iyuldan esa Fransiya terma jamoasining bosh murabbiyi etib tayinlangan.
