Fransiya Prezidenti bo‘lib turgan Damashqdagi mehmonxona yaqinida ikki bomba portladi
Fransiya Prezidenti Suriyaga tashrif buyurgani haqida xabar bergan edik. Bugun, 7-iyul kuni Damashqda u bo‘lib turgan “Four Seasons” mehmonxonasi yaqinida ikki bomba portladi. Ushbu binoda Fransiya Prezidenti Emmanuel Makron fuqarolik jamiyati vakillari bilan uchrashuvlar o‘tkazayotgan edi.
Reuters agentligining Fransiya rahbari kanselyariyasiga tayanib xabar berishicha, Makronning o‘zi portlash ovozlarini eshitmagan. U keyinchalik reja bo‘yicha Suriya Prezidenti Ahmad ash-Sharaa bilan uchrashuv o‘tkazgan.
Suriya IIV ma’lumotlariga ko‘ra, portlashlar oqibatida 18 kishi, jumladan, to‘rt nafar politsiyachi yaralandi. Ko‘chada to‘xtab turgan avtomobil va axlat konteyneriga ikkita qo‘lbola portlovchi moslama o‘rnatilgani aniqlangan. Xavfsizlik xizmati xodimlari ularni zararsizlantirishga uringan, biroq jarayon davomida moslamalar portlab ketgan.
