De Ligtga o‘xshatilgan Jahongir O‘rozov 800 ming yevroga “Rubin”ga o‘tmoqda
Insayder Ivan Karpov bergan ma’lum qiladiki, “Rubin” jizzaxlik 190 sm bo‘yli markaziy himoyachini mavsum oxirigacha 100 ming yevro evaziga ijaraga oladi. Shartnomada uni keyinchalik 700 ming yevroga to‘liq sotib olish bandi mavjud bo‘lib, bitimning umumiy qiymati 800 ming yevroga yetishi kutilmoqda. 30-iyul kuni futbolchi tibbiy ko‘rikdan o‘tish va shartnoma imzolash uchun Qozon shahriga yetib borgan.
O‘yin uslubi va jismoniy ustunliklari sabab mutaxassislar tomonidan Matteys de Ligtga o‘xshatiladigan O‘rozov chap oyoqda o‘ynashi, agregativligi hamda hujumni aniq birinchi pas bilan boshlay olishi bilan ajralib turadi. U milliy chempionatda to‘pni olib qo‘yish va yakkakurashlardagi ko‘rsatkichlari bo‘yicha eng yaxshilardan biri hisoblanadi.
Ilgari “Borussiya M”, “Nant” va “Krasnodar” skautlari e’tiborida bo‘lgan futbolchini Qozonda jiddiy raqobat kutmoqda – hozirda “Rubin” tarkibida 7 nafar markaziy himoyachi bor va O‘rozov asosiy tarkib uchun Teslenko, Vuyachich hamda Nijegorodov kabi tajribali o‘yinchilar bilan kuch sinashadi.
