Chorvoq fojiasi: suv omborida cho‘kib ketgan ota va o‘g‘illarning barchasining jasadi topilib, qutqaruv yakunlandi
Toshkent viloiyatidagi Chorvoq suv omboriga 2-sentyabr kuni cho‘kib ketgan ota va ikki o‘g‘ilning faqat o‘g‘illarining jasadiga ulashilgan edi. Bugun 10-sentyabr kuni otaning ham jasadi topildi. Bu haqda FVV xabar berdi.
Qayd etildiki, otaning jasadi bugun soat 13:35da suv omboridan topib chiqarilgan.
Voqea 2-sentyabr kuni Bo‘stonliq tumaniga qarashli “Birlik” MFY hududida yuz bergan. Bir oilaga mansub uch nafar fuqaro katerda suv ustida sayr qilish davomida cho‘milish qat’iyan taqiqlangan hududda va maxsus qutqaruv nimchalarisiz suvga sakragan hamda qaytib suv betiga chiqa olmagan.
FVVga ko‘ra, suvga avval o‘g‘illardan biri, keyin qutqaraman deb ota tushgan, ortidan yana bitta oʻgʻli tushgan. Va oʻsha ketma-ketlikda shu ayanchli vaziyat yuzaga kelgan. Ona va qiz atrofdan yordam soʻrashgan. Katerni boshqarayotgan haydovchisi ham suvga tushib, ularni qutqarishga harakat qilgan, lekin imkoni boʻlmagan. Bu juda tez sodir boʻlgan.
Shundan so‘ng kecha, 9-sentyabr kuni soat 13:02 da qutqaruvchilar cho‘kib ketgan o‘g‘illardan kichigining jasadini qutqarib olgan.
Davom etgan qutqaruv opertasiyasi natijasida soat 12:07 da qutqaruvchilar ikkinchi o‘g‘ilning jasadini ham topdi. Nihoyat 1,5 soat farq bilan otaning ham jasadi topildi.
